Vá fyrir dyrum

Í gegnum áraraðir hefur Lyfjastofnun verið einn burðarásinn í þeirri flóru ríkisstofnana sem staðið hafa vörð um heill landans.  Ef að verður af þessum breytingum sem þingflokksformaður Gallupflokksins Samstöðu boðar þá er það lýðnum ljóst að við munum verða ofurseld erlendum hagsmunaaðilum.  Einnig má það telja líklegt að almenn lyfjaneysla muni aukast sem þeim áhrifum sem af því stafar.  Eini aðilinn sem eitthvað mun koma til með að hagnast af þessu er Íslandspóstur, sem líklega mun sjá fram á stóraukinn fjölda póstsendinga utan frá.

Vill leyfa póstverslun með lyf

Varúð skal höfð!

Hér eru ill tíðindi!  Fyrir þá sem ekki vita þá er ethanól fræðimannsheitið yfir það sem leikmenn kalla alkóhól, einnig þekkt sem vínandi.  Það er sem kunnugt er hið virka innihaldsefni í áfengu veigum þeim sem seldar eru í áfengiseinkasölu ríkisins.  Vínandaneysla er eitt hið mesta vandamál sem samfélag okkar á við að glíma, og er á hverju ári veitt allmörgum af hinum dýrmætu skattkrónum okkar í að berjast gegn áfengisbölinu.  Þetta er ekkert nema illa dulbúin tilraun til að einkavæða sölu á áfengum veigum.  Ég treysti á að samtök Neopúrítana og Helgargræningja berjist gegn þessari illu þróun á þingi.

Flytja inn etanól