Hvors er sökin, bakarans eða smiðsins?

Mig langar að lýsa furðu minni á þeirri histeríu sem virðist hafa gripið lungan af lýðnum.  Rétt er það að akstursaðstæður á þessum kafla eru ekki sem best væri á kosið, en hversu langt skal seilst í þeirri viðleitni að nálgast hinn minnsta samnefnara?  Er það ekki á hvers ábyrgð að haga akstri eftir aðstæðum og fylgjast með þeim umferðarmerkjum sem eiga við akstur á hverjum stað?  Eða er máski búið að fella kaflan um umferðarmerki úr námsskrá ökunáms?

 

Mig langar að benda lesendum á þessi umferðarmerki hér og þá þýðingu sem þau hafa:

 

Merki þetta ber að nota þegar nauðsynlegt þykir að benda á stað þar sem unnið er að framkvæmdum á vegi.

 

 

 

 

Merki þetta ber að nota þegar æskilegt þykir að vekja athygli á tvístefnuakstri, t.d. á vegarkafla sem kemur í beinu framhaldi af einstefnuakstursvegi.

 

 

 

 

Merki þetta ber að nota þar sem nauðsynlegt þykir að benda á að vegur mjókki verulega á þann hátt sem merkið sýnir.

 

 

 

 

Merki þetta ber að nota til að sýna leyfðan hámarkshraða ökutækja í km á klst.

 

 

 

 

 

 Nú er ég búsettur erlendis, og hef því takmarkað ekið um þessar slóðir.  Var þó þar á ferð í mars 2008 og þóttist þá sjá merki þessi öll.  Get því varla séð hvernig standa mætti betur að merkingum.  Máski ætti vegagerðin að ráða í vinnu til sín viðmótshönnuð?  Þeir eru jú vanir því að hugsa út í alla þá forheimsku sem fólki dettur í hug.

Reiður út í þá sem bera ábyrgð á Reykjanesbraut

Athugasemdir

[Brynhildur (IP-tala skráð) 10.4.2008 kl. 13:26]

Sammála, þar sem framkvæmdir eru í gangi þá ökum við hægar og sýnum fyllstu aðgætni, því miður þá er eins og fólki komi það ekki við hvernig aðstæður eru, það ætlar bara sína leið eins og venjulega, við sjálf verðum bara stundum að taka ákveðna ábyrgð,  ég er að tala almennt um hegðun okkar ökumanna út í umferðinni ekki endilega  þetta síðasta slys sem varð á brautinní gær,

[Jón Baldur (IP-tala skráð) 10.4.2008 kl. 13:59]

Mikið skelvilegt kjaftæði er þetta í þér maður. Slysatíðnin segir allt sem segja þarf. Fólk á hraðferð í myrkri og vondu veðri......þó þú sért að eigin áliti klárari en aðrir þá þarf ekki að segja mér að þér hafi ekki orðið á mistök í umferðinni, er í lagi að refsing fyrir "smámistök" sé líf og limir....ekki bara sjálfssíns heldur samferðafóki og þeim sem á móti koma.

Nýtt "low" í moggabloggi. Var þó þröskuldurinn ekki hár. Farðu bara að horfa á boltann

[Neopúritaninn, 10.4.2008 kl. 14:49]

Kæri Jón.

Þú hittir einmitt naglann á höfuðið þegar þú segir: "Fólk á hraðferð í myrkri og vondu veðri......"  Vandamálið er ekki það hvort vegagerðin stilli upp skiltum á hvern ljósastaur eða annan hvern, eða að þeir ráði flokk gjörningslistamanna til að syngja og dansa til þess að ná athygli fólks.  Það virðist fara framhjá mörgum að akstur er dauðans alvara, og nálgast ber hann þannig.

Auðvitað er það ekki "...   lagi að refsing fyrir "smámistök" sé líf og limir....ekki bara sjálfssíns heldur samferðafóki og þeim sem á móti koma." (sic)  En eru það "smámistök" að aka yfir óbrotna línu yfir á rangan vegarhelming?  Eru það smámistök að virða hraðatakmarkanir að vettugi?  Eru það smámistök að haga akstri ekki eftir aðstæðum?

[Anna Guðný , 10.4.2008 kl. 22:21]

Mikið svakalega er ég sammála hverju orði sem þú segir.