Reiðhjól fanst á vergangi. Lásinn er: "Inn, Út, Inn, Inn og Út"

Eigandi getur vitjað þess hjá sýslumanninum í Trékyllisvík.

Hver á skóinn?

Hvors er sökin, bakarans eða smiðsins?

Mig langar að lýsa furðu minni á þeirri histeríu sem virðist hafa gripið lungan af lýðnum.  Rétt er það að akstursaðstæður á þessum kafla eru ekki sem best væri á kosið, en hversu langt skal seilst í þeirri viðleitni að nálgast hinn minnsta samnefnara?  Er það ekki á hvers ábyrgð að haga akstri eftir aðstæðum og fylgjast með þeim umferðarmerkjum sem eiga við akstur á hverjum stað?  Eða er máski búið að fella kaflan um umferðarmerki úr námsskrá ökunáms?

 

Mig langar að benda lesendum á þessi umferðarmerki hér og þá þýðingu sem þau hafa:

 

Merki þetta ber að nota þegar nauðsynlegt þykir að benda á stað þar sem unnið er að framkvæmdum á vegi.

 

 

 

 

Merki þetta ber að nota þegar æskilegt þykir að vekja athygli á tvístefnuakstri, t.d. á vegarkafla sem kemur í beinu framhaldi af einstefnuakstursvegi.

 

 

 

 

Merki þetta ber að nota þar sem nauðsynlegt þykir að benda á að vegur mjókki verulega á þann hátt sem merkið sýnir.

 

 

 

 

Merki þetta ber að nota til að sýna leyfðan hámarkshraða ökutækja í km á klst.

 

 

 

 

 

 Nú er ég búsettur erlendis, og hef því takmarkað ekið um þessar slóðir.  Var þó þar á ferð í mars 2008 og þóttist þá sjá merki þessi öll.  Get því varla séð hvernig standa mætti betur að merkingum.  Máski ætti vegagerðin að ráða í vinnu til sín viðmótshönnuð?  Þeir eru jú vanir því að hugsa út í alla þá forheimsku sem fólki dettur í hug.

Reiður út í þá sem bera ábyrgð á Reykjanesbraut

Auglýsing? (NT)

NT

Lostalengjur úr ærkjöti frá Ströndum

Frétt um ekki neitt

Þessi frétt er augsýnilega skrifuð af einhverjum sem ekki hefur mikla þekkingu á málinu.  Þannig er mál með vexti að fátt er í heimi þessu fríkeypis, og er það þannig með fjarskiptabúnað.  Þó svo að símstöð sé á svæðinu þá er það ekki sjálfsagt að boðið sé uppá ADSL þjónustu, þar sem til þess þarf aðra og óskylda einingu sem kostar nokkra peninga.  Einn stærsti ókostur ADSL tækninnar er það hve skammdræg hún er.  Nú þekki ég ekkert til þessarar sveitar og hvernig byggð háttar þar, en ætla þó að leyfa mér að áætla að hugsanlega notendur þar megi telja á útlimum farþega meðalbifreiðar, og er þarmeð nokkuð augljóst að fjárfesting í þeim búnaðinum væri afar vafasöm og myndi seint standa undir sér.

 Svo er það líka annað í þessari frétt sem vekur athygli mína.  Það er heimtufrekjan í þessum annesja- og útnáralýð.  Hví ættu þeir sem búa á hagkvæmari landsvæðum sífellt að standa í því að niðurgreiða búsetu þessa ofdekraða lýðs?  Ef hann er þetta ákveðinn að búa þarna þá er ekkert annað en sjálfsagt að hann taki þátt í kostnaðinum við það.

Borga 60 þúsund fyrir 2 megabita tengingu

Ég á mér von!

Nú bíð ég bara eftir að mínir menn í Samtökum Neopúritana og Helgargræningja leggi fram þingsályktunartillögu um að lögum þessum verði framfylgt!

Lagt til að lög um meðferð ölvaðra og drykkjusjúka verði afnumin

Það var og!

Hver segir svo að spilling þrífist ekki í íslensku stjórnsýslunni.  Fínt að geta fengið jarðgöng byggð í sumarbústaðinn sinn á kostnað íslenska skattþrælsins.

Siglfirðingar fjölmennir á Alþingi

Þeirra vegna...

Vona bara að þeir muni eftir að telja fram vinningféð.

Fatwa!

Neopúritaninn lýsir hérmeð Fatwa á hendur Lýði Guðmundssyni og Brynjólfi Bjarnasyni! Skulu þeir löðrungaðir með silung, hvar sem til þeirra næst!

Miklar umræður á meðal bloggara um nýja auglýsingu Símans

Þessu framtaki ber að fagna!

Landinn hefur löngum verið plagaður af þeim misskilningi að öl skuli drukkið kalt.  Það er þannig að bragð drykkjarins fylgir að miklu leiti því hve kaldur hann er.  Sé hann drukkin við kæliskápshita eða (guðeinhver forði oss frá því) enn kaldari, þá er það þannig að mikill hluti bragðsins tapast. 

Kælirinn fjarlægður úr vínbúðinni í Austurstræti

Hin spánska sjón

Margt er það er spánskt kemur fyrir sjónir er flutt er til annars land.  Eitt dæmi sem mig langar minnast á er frá nýlegu hátið sem haldin var á leikskóla erfingjans í síðastliðnum mánuði.  Hátíð þessi var sumpart haldin til að fagna sumri, en einnig var verið að kveðja elstu börnin sem áttu að hefja vist á skóladagheimili til að undirbúa þau undir að byrja í skóla síðar í sumar.

Á þessari hátíð tíðkast það að foreldrar barnanna elda rétti að heiman (demógrafían er ca. 30% Íslendingar, 30% Færeyingar, 30% Danir og 10% af öðrum uppruna).  Með matnum eru boðin drykkjarföng til kaups.  Það varð þess valdandi að ég rita þennan pistil var það úrval drykkjarfanga sem boðið var uppá.  Eins og búast mátti við var þar á boðstólnum ávaxtasaft.  Örlitla furðu vakti að þar var einnig boðið upp á gosdrykki, sem þó hefði ekki þótt merkilegt fyrir stofnun lýðheilsustöðvar.  Nei, hið almerkilegasta var að þar var einnig boðið uppá öl af krana og borðvín.  Sé ég fyrir mér viðbrögð Þorgríms ef hann frétti af þessu.  Væri hann vís til þess að drepa í vindlinum og snúa sér við í sófanum (hann er víst ekki kominn í gröfina enn (megi hann tóra í þúsund ár)).  Einnig þótti mér markvert það æðruleysi sem landinn tók þessu frjálslyndi.  Ekki varð ég var annað en að hann sæti á strák sínum og ekki bar á ofurölvun og drykkjulátum.  Gæti það verið að þetta tengist eitthvað landfræðilegri legu?  Má það vera að eftir því sem nær dragi miðbaug að dragi úr "tendens" til misbeitingar áfengra drykkja?

Að lokum má svo geta þess að eftir að pöpullinn hélt heim þá settist starfsfólkið við drykkju fram eftir kvöldi, og mætti svo aftur til vinnu morguninn eftir (föstudagsmorgni).